भर्चुअल कन्सर्ट गर्दै काठमाडौंको अमेरिकी दूतावास, आर्थर गनदेखि प्रवल गुरुङसम्म
प्रकाशित मिति : असार ३, २०७७ बुधबार
आगामी शुक्रबार अमेरिकी दूतावास काठमाडौंले विभिन्न कलाकारहरु र सेलिब्रेटीहरुका साथमा भर्चुअल कन्सर्ट गर्ने भएको छ ।
नेपाली समय अनुशार जुन १९ को बेलुका ६ बजे दूतावासको फेसबुक पेजमा उक्त कन्सर्ट प्रशारण गरिने भएको छ ।
कन्सर्टमा अमेरिकन आइडलका नेपाली मुलका रनर अप आर्थर गनले समेत प्रस्तुती दिने भएका छन् । त्यस्तै चर्चित नेपाली अमेरिकन फेशन डिजाइनर प्रबल गुरुङले समेत उक्त कन्सर्टमार्फत सन्देश दिने भएका छन् ।
नेपालका चर्चित कलाकारहरु समृद्धि राई, स्वप्न सुमन र तृष्णा गुरुङको प्रस्तुती रहने उक्त कन्सर्टमा नेपालका लागि अमेरिकी राजदूत र्याण्डी बेरी र जनस्वास्थ्य विशेषज्ञ डाक्टर अरुणा उप्रेतीले सन्देश दिने जनाइएको छ ।
कन्सर्टको संचालन अमेरिकी दूतावास काठमाडौंमा कल्चरल अफेयर्सका अधिकारी कार्ल रोजर्सले गर्नेछन् ।