आइतबार विहान चेस बैंकका कैयन ग्राहकका खाताबाट एकाएक रकम गायब
प्रकाशित मिति : असार १४, २०७७ आईतबार
आज विहान चेस बैंकका ग्राहकका खाताबाट एकाएक रकम गायब भएपछि ग्राहकहरु जवाफ खोज्न सामाजिक सञ्जालहरुमा आए । तर ग्राहकका खाताबाट रकम गायब प्राविधिक समस्याका कारण भएको र अहिले उक्त समस्या समाधान भइसकेको चेस बैंकले जनाएको छ ।
बैंकले आज विहान ९ बजेसम्म उक्त समस्यमा समाधान गरिसकेको र अब ग्राहकका खातामा सही रकम नै देखिएको जनाएको छ । एप्लीकेशनमा समस्या आएपछि आइतबार विहानैदेखि केही ग्राहकले आफ्ना खाताबाट एकाएक रकम गायब भएको बताएका थिए । कतिपयको खातामा भने रकम थपिएको थियो ।
We know some customers reporting seeing incorrect balances in their checking account overnight. This was caused by a technical issue that delayed updates on what displayed on Chase Mobile & Chase Online. We resolved this issue as of 9AM ET and accounts now show current balances.
— Chase (@Chase) June 28, 2020
खाताबाट रकम गायब भएपछि कैयन ग्राहकहरु आत्तिएर बैंकमा सम्पर्क गर्न खोजेका थिए । तर बैंकले तत्काल कुनै जवाफ दिएको थिएन । तर अब भने समस्या समाधान भइसकेको भन्दै ग्राहकहरुले सामाजिक सञ्जालमा लेखिरहेका छन् ।
न्युयोर्क प्रहरीले सम्भावित ठगीबारे चेतावनीहरु जारी गरेको थियो भने चेस बैंकले प्राविधिक समस्या भोगेको पनि प्रहरीले जनाएको थियो ।