भण्डारीको पहलमा बाल्टिमोरमा नेपाली सामुदायिक भवनका लागि साढे २ लाख डलर सुरक्षित
प्रकाशित मिति : माघ २९, २०७७ बिहीबार
मेरिल्याण्ड राज्यका सांसद ह्यारी भण्डारीको पहलमा मेरिल्याण्डको बाल्टिमोरमा नेपाली अमेरिकनको सामुदायिक भवन निर्माणका लागि साढे २ लाख डलर सुरक्षित भएको छ । बाल्टिमोर काउन्टीका तर्फबाट बुधबार १ लाख २५ हजार डलरको प्रतिबद्धता आएपछि भवन निर्माणका लागि साढे २ लाख डलर सुरक्षित भएको हो ।
मेरिल्याण्डमा रहेका नेपाली अमेरिकनका अगुवा व्यक्तिहरुसँगको छलफलमा वाल्टिमोर काउन्टीका काउन्टी एक्ज्यिूकेटिभ जोनी ओल्स्जेस्कीेले १ लाख २५ हजार म्याच फण्डको प्रतिबद्धता जनाएका हुन् । काउन्टीबाट १ लाख २५ हजार र त्यसमा म्याच गरेर राज्यबाट १ लाख २५ हजार गरी साढे २ लाख डलर प्राप्त हुने भएको हो ।
भण्डारीको पहलमा राज्यले १ लाख २५ हजार डलर पहिले नै विनियोजन गरिसकेको थियो । तर उक्त रकम म्याचिंग फण्ड अन्तरगत विनियोजन भएकाले त्यसका लागि गत डिसेम्बरसम्मको डेडलाइन कायम रहेको थियो । डिसेम्बरको डेडलाइनमा १ लाख २५ हजार म्याच फण्ड जम्मा गर्न नसकेको खण्डमा राज्यले विनियोजन गरेको रकम पनि निकाशा नभई खेरजाने अवस्था थियो ।
तर ह्यारी भण्डारीको पहल र अनुरोधमा बाल्टीमोर काउन्टी जमानी बसेपछि अब कुल साढे २ लाख डलर सुरक्षित भएको हो । बाल्टीमोर काउन्टीबाट महामारीका कारण कैयन परियोजनाले रकम नपाएक्को अवस्थामा समेत नेपाली अमेरिकनको सामुदायिक भवन निर्माणका लागि काउन्टीले जमानी र प्रतिबद्धता जनाएको हो ।
काउन्टी एक्जिुकेटिभ ओल्स्जेस्कीले काउन्टीबाट रकम विनियोजन गर्ने जानकारी बुधबारको भर्चुअल कार्यक्रममा दिए । उक्त भवन वाल्टिमोर काउन्टीमा नै रहेको छ । कार्यक्रममा मेरिल्याण्ड राज्यका सांसद भणडरीले नेपाली अमेरिकनका लागि वाल्टिमोर काउन्टीले गरेको सहयोगको प्रशंसा गरे ।
कार्यक्रममा ईण्डियाना हेडका उपप्रमुख रन सिटौला, सामाजिक अभियन्ता डाक्टर श्याम कार्की, अर्जुन हमाल, तरुण पौडेल, मधुकर अधिकारी, गौतम दाहाल, अमर छन्त्याल, कृष्ण जीवि पन्त, महावाणिज्यदूत प्रेमराजा महत, व्यवसायी सरोज कृष्ण पुरी, कूलमणि आचार्य, सुवोध पन्त, प्रभु थापा, अनुसुया वन्त, धु्रव वन्त लगायतले नेपाली समुदायको हितका लागि काउन्टीबाट तर्फबाट गरिएको सहयोग र भण्डारीका तर्फबाट गरिएको पहलका लागि धन्यवाद दिए ।
कार्यक्रममा डाक्टर उत्तम गौली, डाक्टर कृष्ण विष्ट, सरोज प्रजापति, पासापुच अमेरिकाका संयोजक राजु शाक्य, सामाजिक अभियन्ता दुर्गा श्रेष्ठ,विनोद उप्रेती, राजन कट्टेल लगायतको सहभागिता थियो ।
संभवत अमेरिकाका नेपाली अमेरिकन समुदायले निर्माण गरेको भवनमा सरकारी निकायको अनुदान प्राप्त गर्ने वाना सामुदायिक भवन पहिलो हुनेछ । राज्यका तर्फबाट १ लाख २५ हजार उपलब्ध गराउने वण्ड विलमा हयारी भण्डारीको नेतृत्वमा राज्य सांसदहरु कार्ल ज्याक्सन, क्याथी क्लाजमायर, जोसेफ वोटलर, काउन्टी काउन्सिल वुमन क्याथी वेभिन्स लगायतले समर्थन गरेका थिए ।
