न्युयोर्क निवासी गायक तथा मोडल श्रेष्ठको म्युजिक भिडियोमा लामो दुरीको प्रेमकथा
प्रकाशित मिति : बैशाख २६, २०७८ आईतबार
न्युयोर्क निवासी युवा गायक तथा मोडल सुहान श्रेष्ठको म्युजिक भिडियो सार्वजनिक गरिएको छ ।
उनको ‘हाम्रो मायाबीचको यो दूरी’ बोलको गीत सार्वजनिक भएको हो । म्युजिक भिडियोमा सुहानले नै अभिनय गरेका छन् ।
उनले यो सहित चार वटा म्युजिक भिडियो बनाई सकेका छन् ।
उनको आफ्नै शब्द रचना तथा स्वर रहेको सो गीतमा माया प्रेमका कुरा गरिएको छ । नेपालमा आफ्नी मायालुलाई छाडेर आएका धेरैको कथालाई यो म्युजिक भिडियोले समेटेको छ ।
सुहान श्रेष्ठसँगै म्युजिक भिडियोमा मोडल डोल्मा गुरूङले अभिनय गरेकी छिन् ।
भिडियो अमेरिकाको न्यूयोर्कमा छायांकन गरिएको छ । युट्युवमार्फत म्युजिक भिडियो सार्वजनिक गरिएको हो ।
