हिराशतमा रहेका एसाइलम आवेदकलाई सरकारले अनिश्चितकालसम्म थुन्नसक्ने सर्वोच्चको निर्णय
प्रकाशित मिति : असार १६, २०७८ बुधबार
अमेरिकाको सर्वोच्च अदालतले मंगलबार गरेको निर्णय अनुशार अब अमेरिकी सरकारले निश्चित प्रकारका एसाइलम आवेदकलाई अनिश्चितकालसम्म हिराशतमा राख्नसक्ने भएको छ । आफ्नो देश फर्कदा यातना वा उत्पीडनको सामना गर्नुपर्ने बताउनेहरुलाई सरकारले अनिश्चितकालसम्म हिराशतमा राख्नसक्ने भएको छ ।
खासगरी यो निर्णयको प्रभाव पहिलोपटक गैरकानूनी रुपमा अमेरिका प्रवेश गर्नेहरुका सन्दर्भमा नभई एकपटक गैरकानूनी रुपमा प्रवेश गरेर देशनिकाला भइसकेपछि पनि अर्को पटक प्रवेश गर्नेहरुका सन्दर्भमा लागु हुने जनाइएको छ ।
३ जना उदारवादी न्यायाधिसहरुको मतभेदका बाबजुत सर्वोच्च अदालतका ६ जना न्यायाधिस उक्त निर्णयको पक्षमा उभिएका थिए । सरकारले उनीहरुको एसाइलम दावीहरुको मूल्यांकन गरिरहँदा हिराशतमा रहेका आवेदकहरु रिहा हुने विषयमा सुनुवाईको हकदार नभएको सर्वोच्चले निर्णय गरेको छ ।
उनीहरु बण्ड सुनुवाईका लागि हकदार नभएको न्यायाधिस श्यामुअल अलिटोले निर्णयमा लेखेका छन । पहिले नै देशनिकाला भइसकेका र पुन गैरकानूनी रुपमा अमेरिका प्रवेश गर्दा पक्राउ परेका तथा आफ्नो देश फर्केको खण्डमा यातना र उत्पीडनको शिकार हुने दावी गरेका व्यक्तिका मुद्दाबारे फैसला गर्दै यस्तो निर्णय गरिएको हो ।
जसमध्ये एकजना व्यक्ति एल साल्भाडोरका रहेका थिए र उनले देशनिकाला हुनासाथ गिरोहको धम्कीको सामना गरेको बताएका थिए । त्यसपछि एकजना अध्यागमन अधिकारीले उक्त व्यक्तिको डर तार्किक रहेको भन्दै उनको मुद्दा मूल्यांकनका लागि आगाडि बढाउन स्वीकृत गरेका थिए । जुन अदालतमा महिनौं र बर्षौ समेत लाग्नसक्छ ।
सर्बोच्चमा पुगेको विषय यसरी आवेदकको एसाइलम मुद्दा निर्णय नभइसकेको अवधिमा आइसले आवेदकलाई अध्यागन न्यायाधिस समक्ष पेश नगरी आवेदकलाई हिराशतमा राखिरहन पाउने वा नपाउने सन्दर्भको रहेको थियो । न्यायाधिस आलिटोले सम्बन्धित प्रावधानहरुले बण्ड सुनुवाई बढी प्रेरक रहेको प्रदान नगर्ने उल्लेख गरेका छन् ।
यसअगाडि रिचमण्ड भर्जिनियाको पुनरावेदन अदालतले आप्रवासीहरुको पक्षमा निर्णय गरेको थियो । तर अर्को पुनरावेदन अदालतले सरकारको पक्ष लिएको थियो । मंगलबार सर्बोच्चले गरेको निर्णयले अब देशब्यापी रुपमा नियम लागु गरेको छ । यसको प्रभाव कस्तो हुने भन्ने सन्दर्भमा आगामी दिनको प्रतिक्षा गर्नुपर्नेछ ।
