बोस्टनमा ट्रेन दुर्घटना, २५ जना घाइते
प्रकाशित मिति : श्रावण १६, २०७८ शनिबार
शुक्रबार बेलुका अमेरिकाको बोस्टनमा भएको ट्रेन दुर्घटनामा २५ जना घाइते भएका छन् । कमनवेल्थ एभिन्यु रेल लाइनमा दुईवटा ट्रेनहरु एकआपसमा ठोक्किदा घाइते २३ जनालाई तत्काल स्थानीय अस्पतालहरुमा लगिएको थियो ।
Earlier tonight, 2 Green Line trains collided on the B Branch near Babcock Street. Emergency personnel quickly responded and assisted everyone from the trains with 25 individuals receiving medical attention. Our thoughts are with the riders and employees injured in this incident.
— MBTA (@MBTA) July 31, 2021
थप दुईजनाको पनि उपचार गरिएको र कसैको पनि अवस्था ज्यानै जोखिममा पर्नेखालको नरहेको जनाइएको छ । ब्याबकक स्ट्रीट नजिकै बी ब्रान्चमा दुईवटा ट्रेनहरु एकआपसमा ठोकिएका थिए । घटनाबारे अनुसन्धान भइरहेको मासाचुसेट्स बे यातायात प्राधिरणले जनाएको छ ।
Update for trolley accident at Commonwealth Av & Pleasant St… we have a count of 23 patients transported by multiple EMS agencies. No life threatening injuries reported at this time. Please avoid area. pic.twitter.com/qWx7s7SUuj
— Boston Fire Dept. (@BostonFire) July 30, 2021
ट्रेनमा चढेका अधिकांश यात्रुहरुको टाउको र घाँटीमा चोटपटक लागेको छ । ट्रेन अनियन्त्रित भएपछि आफूहरुलाई खराब रोलरकोस्टर चढेजस्तो अनुभव भएको यात्रुहरुले बताएका छन् । ट्रेनमा कतिजना यात्रुहरु थिए भन्नेबारे केही खुलाइएको छैन ।
बोस्टन नेपालीहरुको पनि बाक्लो बसोबास रहेको क्षेत्र हो । दुर्घटना भएका ट्रेनमा नेपालीहरु रहे नरहेको बारे केही खुलेको छैन ।