एक्सचेन्ज भिजिटर कार्यक्रममा पनि स्टीम विद्यार्थीहरु ३६ महिनाको ओपीटीका लागि योग्य हुने
प्रकाशित मिति : माघ ७, २०७८ शुक्रबार
जे वान एक्सचेन्ज भिजिटर कार्यक्रममा पनि विज्ञान, प्रविधि, इन्जिनियरिङ र गणितका स्टीम विद्यार्थीहरु ३६ महिनाको ओपीटीका लागि योग्य हुने भएका छन् । विगतका यो १८ महिनाको ओपीटीका लागिमात्र योग्य हुने प्रावधान रहेकोमा विज्ञान, प्रविधि, इन्जिनियरिङ र गणितका दक्षहरुलाई आकर्षित गर्न नयाँ कार्यक्रम ल्याइएको हो । उनीहरुको ओपीटीको अधिकतम कुल अवधि ३६ महिना हो जसमा एकपटकको थप पनि समेटिएको छ ।
यसबारे अमेरिकी सरकारको विदेश मन्त्रालयले नयाँ निर्देशिका जारी गरेको छ । जस अनुशार विज्ञान, प्रविधि, इन्जिनियरिङ र गणितका क्षेत्रहरूमा अण्डरग्रयाजुएट वा प्रि डक्टरल विद्यार्थीहरुलाई ३६ महिनासम्मको वैकल्पिक व्यावहारिक प्रशिक्षण ओपीटी प्राप्त गर्न अनुमति दिनेछ । जसमा भर्खरै त्यस्ता अध्ययनहरू पूरा गरेकाहरुलाई पनि समेटिएको छ ।
यो नयाँ कार्यक्रम शैक्षिक शत्र २०२१/२०२२ र २०२२/२०२३ का लागि शैक्षिक प्रशिक्षण आवश्यकताहरू पूरा गर्ने विद्यार्थीहरूको एक्सचेन्जका सन्दर्भमा लागु हुनेछ । एक्सचेन्ज कार्यक्रमका स्पोन्सरहरुले विज्ञान, प्रविधि, इन्जिनियरिङ र गणित सम्बन्धित अध्ययनहरू पूरा गरेपछि ३० दिन दिन भित्र शैक्षिक प्रशिक्षण ओपीटी सुरु गर्न खोज्ने योग्य विद्यार्थीहरु र हालैका ग्रयाजुएटहरुलाई ३६ महिनासम्मको विज्ञान, प्रविधि, इन्जिनियरिङ र गणित सम्बन्धित शैक्षिक तालिमका लागि अनुरोध गर्न सक्नेछन् ।
अमेरिकामा आउने जे वान एक्सचेन्ज भिटिरहरुलाई विज्ञान, प्रविधि, इन्जिनियरिङ र गणित सम्बन्धित अनुसन्धानमा संलग्न हुनको लागि सहज बनाउन अमेरिकी विदेशमन्त्रालयले प्रारम्भिक क्यारियर स्टीम अनुसन्धान पहल पनि सुरु गर्नेछ ।
यसबारे थप जानकारीका लागि यहाँ पढ्न सक्नुहुनेछ ।