अमेरिकाको ओहायोबाट ४५ बर्षका निला ढकाल बेपत्ता, प्रहरीबाट खोजी जारी
प्रकाशित मिति : चैत्र ५, २०७८ शनिबार
अमेरिकाको ओहायो राज्यको रेनोल्डसबर्ग निवासी ४५ बर्षीय नेपालीभाषी निला ढकाल बेपत्ता भएको प्रहरीले शुक्रबार जनाएको छ । कालो कपाल र खैरो आँखा भएका ढकाल ५ फुट ५ इन्च अग्ला रहेका छन् ।
अन्दाजी १६५ पाउण्ड तौल भएका ढकाललाई प्रहरीले खतरामा रहेका बेपत्ता व्यक्तिका रुपमा लिएको छ । ब्ल्याकलिक उड्स मेट्रो पार्क वा ब्ल्याकलिक उड्स गल्फ कोर्स नजिकबाट उनी हराएको प्रहरीको भनाई छ ।
उनी पछिल्लोपटक पँहेलो रंगको ज्याकेट र गाढा हरियो पाइन्टमा देखिएका थिए । उनीबारे कुनै जानकारी प्राप्त भएमा प्रहरीमा खबर गर्न अनुरोध गरिएको छ ।