अमेरिका-नेपाल कूटनीतिक सम्बन्धको ७५ बर्ष, ‘नेपालका उपलब्धिमा गर्व गर्छौं’ -अमेरिकी विदेशमन्त्री
प्रकाशित मिति : बैशाख १५, २०७९ बिहीबार
अमेरिका र नेपालबीचको कूटनीतिक सम्बन्धको ७५ बर्षगाँठको अवशरमा अमेरिकी विदेशमन्त्री एन्टोनी ब्लींकेनले नेपालले हासिल गरेका उपलब्धीहरुमा एक साझेदारका रुपमा अमेरिकाले गर्व गर्ने बताएका छन् । आज नेपाल र अमेरिकाबीचको कूटनीतिक सम्बन्धको ७५ औं बर्ष पूरा भएको छ ।
Today we mark 75 years of U.S.-Nepal diplomatic relations. Nepal has seen incredible changes in its governance, economic development, and international engagements. We are proud of our accomplishments as partners, and look forward to many more decades of friendship. #USNepal75
— Secretary Antony Blinken (@SecBlinken) April 28, 2022
ब्लींकेनले भनेका छन् – ‘आज हामी नेपाल-अमेरिका कूटनीतिक सम्बन्ध स्थापनाको ७५औं वर्षगाँठ मनाउँदैछौं। नेपालले आफ्नो शासन प्रणाली, आर्थिक विकास, तथा अन्तराष्ट्रिय सहभागिताहरूमा उल्लेखनीय परिवर्तन अनुभुत गरेको छ। एक साझेदारका रूपमा हासिल गरेका उपलब्धीहरूमा हामी गर्व गर्दछौं र आउने अनेकौं दशकहरूसम्म यो मित्रता कायम रहनेमा आशावादी छौं।’
Congratulations to Nepalis & Americans! The US-Nepal diplomatic relationship began this week in 1947. Our friendship is based on mutual respect, democratic values, and sovereignty. #USNepal75 🇳🇵🇺🇸 pic.twitter.com/9RMOx698pb
— Ambassador Randy Berry (@USAmbNepal) April 28, 2022
यसैबीच अमेरिकी दूतावास काठमाडौंले सामाजिक सञ्जालमार्फत भनेको छ – ‘७५ वर्षका अनगिन्ती सम्झनाका क्षणहरू र रमाइला पलहरू। हामीले पुस्तौं पुस्तासम्म हातेमालो गर्दै हासिल गरेका यी सबै उपलब्धीहरूमा हामीलाई गर्व छ र हामी नेपाल-अमेरिका साझेदारीलाई आउने कैयौं पुस्ताहरूसम्मको लागि अझै बलियो बनाउन हामी प्रतिवद्ध छौं।’
सन् १९४७ को अप्रिल २५ मा नेपाल र अमेरिकाबीच कूटनीतिक सम्बन्ध स्थापित भएको हो । अमेरिकाले नेपाललाई सन् १९४७ मा स्वतन्त्र राष्ट्रको मान्यता प्रदान गरेको थियो । अमेरिका नेपालसँग कूटनीतिक सम्बन्ध स्थापित गर्ने दोश्रो मुलुक हो । त्यसअगाडि नेपालको बेलायतसँग कूटनीतिक सम्बन्ध कायम भइसकेको थियो ।
नेपालले सन् १९५८ को फेब्रुअरी ३ मा वासिंटन डिसीमा आफ्नो दूतावास खोलेको थियो । अमेरिकाले सन् १९५९ को अगस्त ६ मा नेपालमा आफ्नो दूतावास खोलेको हो ।
