आगामी शनिबार अमेरिकाका ३ हजार हलमा सबै फिल्म ३ डलरमा देखाइने
प्रकाशित मिति : भाद्र १३, २०७९ सोमबार
चलचित्रको समर सिजनको उत्साह समाप्त हुँदै गर्दा अमेरिकी फिल्महलहरुले राष्ट्रिय सिनेमा दिवस मनाउँदै शनिबार ३ डलरमा फिल्म देखाउने भएका छन् । शनिबार अमेरिकाभरका ३ हजार फिल्महलमा रहेका ३० हजार पर्दाहरुमा शनिबार ३ डलरमा फिल्म हेर्न सकिने भएको छ ।
अमेरिकाभर फिल्महलमा झण्डै ४० हजार ७ सय पर्दाहरु रहेकोमा शनिबारको ३ डलरको शोमा अधिकांश फिल्महलहरुले सहभागिता जनाएका छन् । थिएटर मालिकहरूको राष्ट्रिय संघको गैर नाफामुलक संस्था सिनेमा फाउन्डेशनले राष्ट्रिय सिनेमा दिवसमा ३ डलरमा फिल्म देखाइने घोषणा गरेको हो ।
राष्ट्रिय सिनेमा दिवसले पतन अवधिमा चलचित्रहरू पुनरुत्थान गर्न सक्ने तथा शरद ऋतुको रिलीजको स्लेटको लागि तरंग सिर्जना गर्ने विश्वास लिइएको छ । यो पहललाई वार्षिक कार्यक्रम बन्न सक्ने परीक्षणको रूपमा वर्णन गरिएको छ ।
३ डलरमा टिकट किन्नका लागि यो लिंकमा क्लीक गर्नुहोला । केही समय प्रतिक्षा गरेपछि वेवसाइट पूर्णरुपमा खुल्नेछ । तपाईले आफूलाई हेर्न मन लागेको फिल्म रोजेर फिल्महलको छनौट गर्न सक्नुहुनेछ । त्यसपछि ३ डलरको टिकट किन्न सक्नुहुनेछ ।
उक्त दिन ४२ वटाभन्दा धेरै अहिले हलमा लागिरहेका चलचित्रहरु हेर्न सकिनेछ ।
युकेका सिनेमाघरहरूले पनि सेप्टेम्बर ३ मा हुने आफ्नो छुट्टै राष्ट्रिय सिनेमा दिवसको कार्यक्रम तय गरेका छन्।