क्यानडाको सास्काचेवानमा १३ स्थानमा छुरा प्रहारबाट १० को मृत्यु, १५ घाइते, २ संदिग्ध फरार
प्रकाशित मिति : भाद्र १९, २०७९ आईतबार
क्यानडाको सास्काचेवान प्रान्तमा चक्कु प्रहारको शृंखलाबद्ध आक्रमणमा कम्तीमा १० जनाको मृत्यु भएको छ । घटनामा अन्य १५ जना घाइते अस्पतालमा भर्ना भएका छन् ।
दुई संदिग्धहरू आइतवार साँझसम्म फरार रहेका छन् । जेम्स स्मिथ क्री नेसन र वेल्डन गाउँमा १३ वटा छुट्टाछुट्टै स्थानमा छुरा प्रहार भएको प्रहरीले जनाएको छ।
प्रहरीले ३१ वर्षीय डेमियन स्यान्डरसन र ३० वर्षीय माइल्स स्यान्डरसनलाई खोजि गरिरहेको छ । डेमियन स्यान्डरसन ५ अग्लो७ इन्च र करिब १५५ पाउण्ड तौल भएको बताइएको छ। प्रहरीले माइलेस स्यान्डरसन ६१ इन्च अग्लो र २०० पाउन्ड रहेको बताएको छ। उनीहरुले कालो निसान रग गाडी चलाएको हुनसक्ने प्रहरीको अनुमान छ ।
पीडितहरूलाई संदिग्धहरूले लक्षित गरेको देखिन्छ तर अरूलाई अनियमित रूपमा आक्रमण गरिएको देखिन्छ। घटनाको कुनै कारण अहिलेसम्म खुलेको छैन ।
तस्वीरमा फरार २ संदिग्ध