६१० मिलियन पुग्यो अमेरिकामा पावरबल ज्याकपट, सोमबार खोलिदै
प्रकाशित मिति : कार्तिक ६, २०७९ आईतबार
शनिबार पनि कसैलाई नपरेपछि अमेरिकाको पावरबल लोटरी ६१० मिलियन डलर पुगेको छ । यो पावरबल ज्याकपट अब सोमबार खोलिने भएको छ ।
पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ ।
पावरबल लोटरी सोमबार, बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ । ज्याकपटक जित्नका लागि २९२ मिलियन टिकटबीच सबैभन्दा भाग्यशाली हुनुपर्छ ।
यो टिकटको मूल्य २ डलर रहेको छ । खेल्ने व्यक्तिले १ देखि १ देखि ६९ सम्मका ५ वटा नम्बर र १ देखि २६ सम्मको एउटा नम्बर छनौट गर्नुपर्छ ।