न्युयोर्क हाईस्कूलमा १८ बर्षका एसियन विद्यार्थीमाथि १७ बर्षीय विद्यार्थीबाट छुरा प्रहार
प्रकाशित मिति : कार्तिक १५, २०७९ मंगलबार
न्युयोर्कको युटिकास्थित प्रोक्टर हाई स्कूलमा सोमबार एक १८ वर्षीय एसियन विद्यार्थीलाई सोही कक्षामा पढ्ने १७ वर्षीय विद्यार्थीले छुरा प्रहार गरेका छन् । घटनापछि स्कूलमा पुलिसको उपस्थिति बढेको थियो भने हप्ताको बाँकी समय विद्यालय बन्द गरिएको छ ।
भिडियो अनुशार घटना विद्यालयको पहिलो तल्लाको हलवेमा बिहान १० बजेर ५० मिनेटमा भएको थियो । झगडाको सूचना पाएका शिक्षकहरूले १७ वर्षीय विद्यार्थीले १८ वर्षीय पीडितलाई छुरा प्रहार गरेको देखेका थिए।
शिक्षकहरूले उनीहरूलाई छुट्याउन र आक्रमणकारीलाई निशस्त्र पार्न सफल भएका थिए । ढाड र हातमा पटक पटक छुरा प्रहार गरी घाइते भएका विद्यार्थीलाई उपचारका लागि अस्पताल लगिएको थियो । प्रहरीका अनुसार उनको चोट ज्यान जोखिममा राख्ने खालको छैन ।
kid really said “it’s over for you” and didn’t even had the knife open. The Asian kid would of die from that stabbed to the neck and shoulder. Asian kid did a excellent job with grabbing the knife and controlling the hands. Asian kid is an Karen refugee. @RenerGracie pic.twitter.com/2hCbJINuZP
— fiñg 🛁🦧 (@Fing_th) November 1, 2022
आक्रमणकारीलाई सी श्रेणीको अपराधमा आक्रमणको प्रयासको आरोप लगाइएको छ । जसलाई हतियारको आपराधिक कब्जाको एक दुष्कर्म मानिन्छ। युटिका प्रहरी विभागको अपराध अनुसन्धान महाशाखा र जुभेनाइल एड यूनिटले घटनाको अनुसन्धान गरिरहेको छ ।
युटिका सिटी स्कूल डिस्ट्रिक्टले विद्यालय वर्षको सुरुमा प्रत्येक भवनमा हतियार पत्ता लगाउने प्रणाली स्थापना गरेपनि कसरी चक्कु भवनमा लगियो कुराले विद्यालयका अधिकारीहरूलाई अन्योलमा पारेको छ।
पुलिसले आक्रमणकारीको अन्तर्वार्ता लिइरहेको छ र स्कूलमा कसरी हतियार ल्याइयो भन्ने बारे जानकारी लिन प्रयास गरिरहेको छ ।
