अमेरिकाको लुजियानामा ओछ्यानमा पिसाव फेरेको भन्दै प्रेमीलाई छुरा हान्ने महिला पक्राउ
प्रकाशित मिति : माघ ३, २०७९ मंगलबार
अमेरिकाको लुजियानामा ओछ्यानमा पिसाव फेरेको भन्दै प्रेमीलाई छुरा हान्ने एक महिलालाई प्रहरीले पक्राउ गरेको छ । प्रहरीलाई छुरा प्रहारको रिपोर्टको अनुसन्धान गर्न शनिबार अस्पताल बोलाइएको थियो ।
गिरफ्तारी कागजातहरू अनुसार २५ वर्षीया ब्रायना लाकोस्ट र उनका प्रेमी रक्सी पिउनका लागि बाहिर गएका थिए । जब तिनीहरू घर फर्के, त्यतीबेला विहानको लगभग साढे ३ बजेको थियो । त्यसपछि उनीहरु सुतेका थिए ।
लाकोस्टले राती अचानक प्रेमीलाई ब्युँझाएकी थिइन् । त्यसपछि ओछ्यानमा पिसाव गरेको भन्दै पीडितलाई कुटपिट गर्न थालेकी थिइन् । प्रेमीले रोक्न खोजेको तर लाकोस्टले हिर्काइरहेको पीडितले बयानमा बताएका छन् ।
लाकोस्टले पीडितलाई छुरा प्रहार गरेको जनाइएको छ । प्रेमीले पिसाव फेरेको थाहा पाएपछि ओछ्यानबाट उठाएर हिर्काएको र पीडितले पनि आफ्नो घाँटी थिचेको लाकोस्टको भनाई छ ।
लाकोस्टले पीडितलाई हातमुनि छुरा प्रहार गरेको स्वीकार गरेकी छिन् । आक्रमणमा पीडितको फोक्सोमा चोट लागेको छ । लाकोस्टलाई सेकेन्ड डिग्री हत्याको प्रयास गरेको अभियोग लगाइएको छ ।