अमेरिकाको भर्जिनियामा लोटरी जितेका उबर चालकले होमलेसलाई खुवाउने
प्रकाशित मिति : माघ ४, २०७९ बुधबार
अमेरिकाको भर्जिनियामा लोटरी जितेका उबर चालकले होमलेसलाई खुवाउने भएका छन् । उनले लोटरी टिकटमा १ लाख डलर जितेका थिए ।
उनले घरबारविहीनहरूलाई खुवाउन मद्दत गर्न पुरस्कारको कम्तिमा केही अंश प्रयोग गर्ने योजना बनाएको बताएका छन् । भर्जिनिया लोटरीका अनुसार, निकोलस हौसिनीले जनवरी १ मा ब्ल्याक्सबर्गको सेभेन इलेभेनमा आफ्नो विजयी टिकट किनेका थिए।
उनी भर्जिनियाको नयाँ वर्षको मिलियनेयर राफलमा सात एकलाख डलर विजेताहरू मध्ये एक बनेका थिए । हुसिनीले आफ्नो पुरस्कार दाबी गर्दा आफ्नो जीतको केही हिस्सा घरबारविहीनहरूलाई खुवाउन प्रयोग गर्ने बताएका थिए ।
उनले आफूले ब्ल्याक्सबर्गलाई माया गर्ने र मानिसहरूलाई माया गर्ने बताउँदै आफूले जितेको रकमको हिस्सा समुदायमा फिर्ता दिन चाहेको बताएका थिए ।
भर्जिनियामा सबै लोटरीको नाफा हाइस्कुलसम्मको शिक्षामा जान्छ। हौसीनी मोन्टगोमेरी काउन्टीमा बस्छन्, जसले गत आर्थिक वर्ष २०२२ मा शिक्षाको लागि लटरी कोषमा ५ दशमलव ८ मिलियन भन्दा बढी प्राप्त गर्यो।