टेक्सासमा एक हजार पाउण्डको उल्का पिण्ड ठोक्किएको नासाबाट पुष्टि, त्यसपछि के भयो ?
प्रकाशित मिति : फाल्गुन ६, २०७९ शनिबार
नासाले करिब २ फिट चौडा र करिब १,००० पाउण्ड तौल भएको उल्का दक्षिण टेक्सासमा खसेको पुष्टि गरेको छ। विज्ञहरूका अनुशार उक्त अन्तरिक्ष चट्टान साँझ ६ बजे जमिनमा ठोक्नु अघि धेरै टुक्राहरूमा फुटेको थियो।
उक्त पिण्ड बुधबार टेक्सासको म्याकएलेन नजिक खसेको हो । उल्का पिण्डहरूको उच्च गतिमा पृथ्वीको वायुमण्डलमा प्रहार गर्ने प्रवृत्ति भए तापनि तिनीहरू वायुमण्डलबाट यात्रा गर्दा ढिलो हुने र जमिनमा खस्नु अघि साना टुक्राहरूमा फुट्ने नासाले जनाएको छ ।
उल्काहरू छिटो चिसो हुने र सामान्यतया जनताको लागि जोखिम नहुने नासाले एक विज्ञप्तिमा बताएको छ । नासाले एउटा नक्सा पनि जारी गरेको छ, जहाँ उल्का अवतरण भएको मानिएको छ ।
घरको सुरक्षा क्यामेरामा कैद एउटा भिडियोमा चर्को आवाज आएको र उल्का खस्दा चराहरूको प्रतिक्रिया कैद गरिएको छ । बासिन्दाहरूले झ्यालहरू हल्लिरहेको र भूकम्पजस्तै हल्लाएको वर्णन गरेका छन् ।
राष्ट्रिय मौषम सेवाले फायरबल उपग्रहहरूले पत्ता लगाउन पर्याप्त उज्यालो भएको बताएको छ । दुई विमानका पाइलटहरूले पनि उल्कापिण्ड खसेको दृश्य रिपोर्ट गरेका छन् ।
टेक्सासको म्याकएलेनको माथिको आकाशमा देखिएको उल्का पिण्डले नासा र अन्य संस्थाहरूलाई पृथ्वीको बुझाइ र सुरक्षा बढाउन, मानव अन्तरिक्ष अन्वेषणलाई अगाडि बढाउन वैज्ञानिक र इन्जिनियरिङ विशेषज्ञतालाई जोड्न, स्थलीय र ग्रहसम्बन्धी अनुसन्धानलाई एकीकृत गर्न र सौर्यमण्डलको बुझाइ र जोखिम न्यूनीकरण गरेर सफल अन्तरिक्ष अभियानलाई बढावा दिनका लागि घच्घचाएको नासाले जनाएको छ ।
लगभग एक देखि दुईवटा साना उल्कापिण्डहरू प्रत्येक वर्ष माथि पृथ्वीको वायुमण्डलमा प्रवेश गर्छन् । प्रायः जमिनमा ठोक्किने उल्कापिण्डहरूमा टुक्रिन्छन्। यी उल्कापिण्डहरू फेला पार्ने जो कोहीलाई स्मिथसोनियन संस्थामा सम्पर्क गर्न आग्रह गरिएको छ ताकि तिनीहरूको अध्ययन गर्न सकियोस् ।
