आज अमेरिकामा राष्ट्रपति दिवस, अमेरिकाका राष्ट्रपतिहरूको बारेका रोचक तथ्यहरु
प्रकाशित मिति : फाल्गुन ८, २०७९ सोमबार
आज अमेरिकामा राष्ट्रपति दिवस मनाइदैछ । यो अवशरमा केही अमेरिकी राष्ट्रपतिहरु बारेका रोचक तथ्यहरु पनि पढौं । किनभने अमेरिकाको इतिहासमा त्यहाँ धेरै अविस्मरणीय नेताहरूको नेतृत्व रहेको छ।
जर्ज वाशिंगटनको जन्मदिनको सम्झनामा प्रत्येक वर्ष फेब्रुअरीको तेश्रो सोमबार राष्ट्रपति दिवस मनाइन्छ। राष्ट्रपति वाशिंगटनको जन्म फेब्रुअरी २२, १७३२ मा भएको थियो । वाशिंगटनको जन्मदिन सन् १८७९ देखि १९७० सम्म फेब्रुअरी २२ मा मनाइयो। सन् १९६८ मा समान सोमबार छुट्टी ऐनले यसलाई फेब्रुअरीको तेस्रो सोमबारमा सारियो, जुन फेब्रुअरी १५ देखि २१ सम्म हुन सक्छ।
अमेरिकाको इतिहासमा जुलाई ४ मा तीन राष्ट्रपतिको मृत्यु भएको छ । जुलाई ४, १८२६ मा दोस्रो अमेरिकी राष्ट्रपति जोन एडम्स र तेस्रो अमेरिकी राष्ट्रपति थोमस जेफरसनको केही घण्टाको अन्तरमा मृत्यु भयो । राष्ट्रको पाँचौं राष्ट्रपति जेम्स मोनरोको निधन पनि जुलाई ४, १८३१ मा भएको थियो ।
अमेरिकामा आठ राष्ट्रपतिको पदमा रहँदा मृत्यु भएको छ। चार पूर्व राष्ट्रपतिहरू, विलियम हेनरी ह्यारिसन, जाचरी टेलर, वारेन जी हार्डिङ र फ्र्याङ्कलिन डी रुजवेल्टको प्राकृतिक कारणले मृत्यु भयो भने स्मिथसोनियनको नेशनल म्युजियम अफ अमेरिकन हिस्ट्रीका अनुसार अन्य चार जनाको हत्या गरिएको थियो।
राष्ट्रपतिको रूपमा विलियम हेनरी ह्यारिसनले ४ मार्च १८४१ मा आफ्नो उद्घाटन भाषण प्रस्तुत गरेपछि ३२ दिनको कार्यालयमा सबैभन्दा छोटो अवधिको सेवा गरे। यो इतिहासमा सबैभन्दा लामो राष्ट्रपतिको उद्घाटन भाषणको रूपमा उल्लेख गरिएको थियो ।
फ्रान्कलिन डेलानो रुजवेल्ट दुई कार्यकाल भन्दा बढी सेवा गर्ने एकमात्र अमेरिकी राष्ट्रपति हुन्। उनले पूर्ण तेस्रो कार्यकाल सेवा गरे र चौथो कार्यकालको लागि पुन निर्वाचित भएका थिए । नोभेम्बर ७, १९४४ मा आफ्नो चौथो कार्यकाल जितिसकेपछि १२ अप्रिल १९४५ मा उनको मृत्यु भयो ।
राष्ट्रपति अब्राहम लिंकनले जनवरी १, १८६३ मा मुक्तिको घोषणा जारी गरे । त्यही वर्ष राष्ट्रपति लिंकनले महान भाषण पनि दिएका थिए ।
जुन ३०, १९२१ मा राष्ट्रपति वारेन हार्डिंगले घोषणा गरे कि उनले पूर्व राष्ट्रपति विलियम हावर्ड टाफ्टलाई अमेरिकाको नयाँ प्रधान न्यायाधीश मनोनीत गर्नेछन्। अहिलेसम्म कार्यकारी र न्यायिक दुवै शाखाहरूमा शीर्ष स्थान राख्ने एक मात्र व्यक्ति टाफ्ट बने ।
अमेरिकाका ५० राज्यहरू मध्ये २१ राज्यहरूबाट अमेरिकी राष्ट्रपतिहरू भइसकेका छन् । भर्जिनियाले आठ अमेरिकी राष्ट्रपतिहरू उत्पादन गरेको छ, त्यसपछि ओहायोले सात राष्ट्रपतिहरू बनाएको छ। न्यूयोर्कले पाँच र म्यासाचुसेट्सले चार राष्ट्रपति प्रदान गरेको छ।
नर्थ क्यारोलिना, पेन्सिलभेनिया, टेक्सास र भर्मन्टले दुई दुई राष्ट्रपति उत्पादन गरेका छन्। अर्कान्सास, क्यालिफोर्निया, कनेक्टिकट, जर्जिया, हवाई, इलिनोइस, आयोवा, केन्टकी, मिसौरी, नेब्रास्का, न्यू ह्याम्पशायर, न्यु जर्सी र साउथ क्यारोलिनाले एक एक जना राष्ट्रपति दिएका छन् ।
जोन एफ केनेडी राष्ट्रपति बन्ने अमेरिकाको सबैभन्दा कान्छो नेता हुन् । उनी ४३ वर्षको उमेरमा निर्वाचित भएका थिए र ४६ वर्षको उमेरमा पदमा रहँदा उनको निधन भएको थियो ।
अमेरिकी राष्ट्रपति बनेका अभिनेता रोनाल्ड रेगनले आफ्नो करियरमा सबैभन्दा महत्त्वपूर्ण भूमिका निर्वाह गर्नुअघि रोनाल्ड रेगन प्रेसिडेन्सियल लाइब्रेरी एण्ड म्युजियमका अनुसार ८१ चलचित्रमा अभिनय गरेका थिए। डार्क भिक्ट्री, नट रकने अलअमेरिकन, किंग्स रो, स्टोर्म वार्निंग, द किलर्स उनका सबैभन्दा चर्चित चलचित्र हुन्।
अमेरिकामा पूर्व र वर्तमान गरेर ६ राष्ट्रपति अझै जीवित छन्। जिम्मी कार्टर ९८ वर्षको उमेरमा सबैभन्दा वृद्ध जीवित अमेरिकी पूर्व राष्ट्रपति हुन्। उनी पहिलो पटक सन् १९७६ मा रिपब्लिकन पार्टीका गेराल्ड फोर्डलाई हराएर निर्वाचित भएका थिए। उनी सन् १९८१ मा रिपब्लिकन उम्मेदवार रोनाल्ड रेगनबाट पराजित भएका थिए ।
बीस राष्ट्रपतिहरूले पहिले गर्भनरका रूपमा सेवा गरेका थिए । १७ जना राज्य गभर्नरहरू थिए । दुई राष्ट्रपतिहरू विलियम हेनरी ह्यारिसन र विलियम होवर्ड टाफ्टले टेरोटोरियल गभर्नरहरूको रूपमा सेवा गरे। एन्ड्रयू ज्याक्सन र एन्ड्रयू जोन्सनले सैन्य गभर्नरको रूपमा सेवा गरे।
अमेरिकाको इतिहासभरि अहिलेसम्म ४६ राष्ट्रपति भएका छन्।