स्टारबक्सका नयाँ सीईओ लक्ष्मण नरसिंहनले महिनामा एक पटक स्टोरमा काम गर्ने
प्रकाशित मिति : चैत्र ११, २०७९ शनिबार
स्टारबक्सका नयाँ सीईओ लक्ष्मण नरसिंहनले महिनामा एक पटक देशभरका स्टोरहरूमा बरिस्टाको रूपमा काम गर्ने वाचा गरेका छन्। नरसिंहनले यस हप्ता स्टारबक्सको नेतृत्व सम्हालेका थिए ।
संस्थापक हावर्ड शुल्ट्जले सीईओको रूपमा आफ्नो दोस्रो कार्यकालबाट राजीनामा दिएपछि नरसिंहनले पद सम्हालेका हुन् । नरसिंहनले कम्पनीको जिम्मा लिने तयारी गर्दा विगत छ महिनामा स्टोरहरुमा काम गरेको आफ्नो अनुभवलाई ग्राहकको अनुभव बुझ्नका लागि श्रेय दिएका छन् ।
व्यवसायका कार्यकारीहरुका लागि फ्रन्टलाइनमा गएर काम गर्नु निकै दुर्लभ हो । सन् २०१८ मा हार्वर्ड बिजनेस स्कूलको अध्ययनले पत्ता लगाएको छ कि सीईओहरूले औसतमा आफ्नो समयको ६ प्रतिशतमात्र आफ्ना फ्रन्टलाइन कर्मचारीहरूसँग बिताउँछन् । जबकि बैठकहरूमा उनीहरूको समयको ७२ प्रतिशत समय बित्छ ।
स्टारबक्सका नयाँ सीईओ भारतीय मूलका लक्ष्मण नरसिंहन हुन् । अक्टोबर १ बाट स्टारबक्सको सीइओ भएपनि उनले आधिकारिक रूपमा मार्चमा आफ्नो भूमिका सुरु गरेका हुन् ।
नरसिंहनले यसअगाडि सीईओको रूपमा सेवा गरेको रेकिट बेन्काइजर समूहले अगस्तमा उनले पद त्याग गर्ने घोषणा गरेको थियो । नरसिंहनले स्टारबक्सको लागि निर्णायक क्षणमा भूमिका लिएका छन् । कम्पनीले अमेरिकामा एक संघीकरण लहरलाई रोक्न खोजिरहेको छ भने कोरोना महामारीका कारण प्रतिबन्धहरूले कम्पनीको महत्त्वपूर्ण बजार चीनमा असर गरिरहेको छ।
५५ वर्षीय नरसिंहन जोडिएको विश्वको सबैभन्दा प्रख्यात कर्पोरेट स्टारबक्सका विश्वव्यापी रूपमा लगभग ३५ हजार स्टोर र ३ लाख ८३ हजार कर्मचारीहरू रहेका छन् । पेप्सिकोका पूर्व वरिष्ठ कार्यकारी उनले हालै लिसोल कीटाणुनाशक र ड्युरेक्स कन्डमहरू बनाउने बेलायती समूह रेकिट बेन्किजरको नेतृत्व गरेका थिए ।
भारतको पुणेमा जन्मेका नरसिंहन पेन्सिलभेनिया विश्वविद्यालयको व्हार्टन स्कूलमा पढ्न सन् १९९१ मा अमेरिका आएका थिए। त्यसपछि उनी परामर्शदाता कम्पनी म्याकिन्से एन्ड कम्पनीमा सामेल भए । सन् २०१२ मा उनी पेप्सिकोमा सरे ।
