ड्युटीमा नरहेको बेला मादक पदार्थ सेवन गरेर गाडी चलाउने न्युयोर्क प्रहरीका अधिकारी पक्राउ
प्रकाशित मिति : बैशाख ९, २०८० शनिबार
ड्युटीमा नरहेको बेला मादक पदार्थ सेवन गरेर गाडी चलाउने न्युयोर्क प्रहरीका अधिकारी शनिबार एकाविहानै पक्राउ परेका छन् । २९ बर्षका ज्याकब पीटरसन ७२ औं स्ट्रीट र ग्रान्ड सेन्ट्रल पार्कवेको फरेस्ट हिल्सको चौराहाबाट पक्राउ परेका हुन् ।
उनलाई शनिबार विहान ४ बजे गिरफ्तार गरिएको प्रहरीले जनाएको छ । उनले ब्रेथलाइजर परीक्षण गर्न अस्वीकार गरेका थिए । उनका सहकर्मीहरूले उनीमाथि मादक पदार्थ सेवन गरी सवारी चलाएको, रक्सी सेवन गर्दा गाडी चलाउने क्षमता कमजोर भएको र श्वास परीक्षण गर्न इन्कार गरेको आरोप लगाएका छन् ।
पीटरसन सन् २०१८ को शुरुवातदेखि प्रहरी बलमा काम गर्दै आएका थिए । उनी हाल रिचमन्ड हिल मा १०२ औं प्रेसिन्क्टमा नियुक्त छन् । जहाँ उनले गत वर्ष ६५ हजार २ सय डलर कमाएका थिए ।