८१ बर्षका बर्नी स्यान्डर्सको ८० बर्षका बाइडेनलाई समर्थन, आफू राष्ट्रपतिमा नउठ्ने घोषणा
प्रकाशित मिति : बैशाख १२, २०८० मंगलबार
भर्मन्टका सिनेटर ८१ बर्षका बर्नी स्यान्डर्सले अमेरिकी राष्ट्रपतिमा आफूले उम्मेदवारी नदिने र यसको सट्टा राष्ट्रपति जो बाइडेनको उम्मेदवारीलाई समर्थन गर्ने घोषणा गरेका छन् । २०२० डेमोक्र्याटिक राष्ट्रपतिको प्राइमरीमा बाइडेनका मुख्य प्रतिद्वन्द्वी रहेका अग्रगामी प्रगतिशील बर्नी स्यान्डर्सले बाइडेनलाई राष्ट्रपतिमा पुन निर्वाचित गराउने सक्दो प्रयास गर्ने बताएका छन् ।
अमेरिकालाई अमेरिकी लोकतन्त्रलाई कमजोर पार्ने, महिलाको छनौट गर्ने अधिकार खोस्ने प्रयास गर्ने, बन्दुक हिंसा, जातिवाद, लिंगवाद वा जातीयवादको संकटलाई सम्बोधन नगर्ने डोनाल्ड ट्रम्प वा अरू कुनै दक्षिणपन्थी दुर्जनबाट बचाउन आफूलाई बाइडेनलाई जिताउन सकेजति गर्ने उनले बताएका छन् ।
८० बर्षका बाइडेनले मंगलबार दोस्रो कार्यकालका लागि उम्मेदवारी दिने घोषणा गरिसकेका छन् । यद्यपि सर्वेक्षण अनुशार अधिकांश मतदाताहरूले उनी फेरि उम्मेदवार हुन नहुने सुझाव दिएका छन्। डेमोक्रेटिक राष्ट्रपति बाइडेनले भीडभाडयुक्त रिपब्लिकन प्राइमरीको विजेताको सामना गर्नेछन्, जसमा पूर्व राष्ट्रपति डोनाल्ड ट्रम्प र आधा दर्जन कम प्रोफाइलका कन्जरभेटिभहरू छन्।
धेरै वर्षसम्म स्यान्डर्सले आफ्नो उम्मेदवारीको सम्भावना खुला छोडेका थिए।तर मंगलबार उनले आफूले उम्मेदवारी नदिने उल्लेख गर्दै कुनै पनि उच्च प्रोफाइलका प्रगतिशील उम्मेदवारहरूलाई बाइडेनविरुद्ध उम्मेदवारी नदिन आग्रह गरेका छन् ।
डेमोक्र्याटिक पार्टीको प्रगतिशील शाखा अन्ततः बाइडेनको उम्मेदवारी घोषणा पछि एकताबद्ध हुने स्याण्डर्सको निर्णयले देखाएको छ । यद्यपि प्रगतिशीलहरूहरु बाइडेनको उम्मेदवारीप्रति उत्साहित भने छैनन्।
अन्य सम्भावित प्राथमिक चुनौतीहरूको बारेमा स्यान्डर्सले मानिसहरूले जे गर्न चाहन्छन् त्यही गर्ने बताए । आफ्नो र प्रगतिशील आन्दोलनको काम बाइडेन अमेपरकाका मजदुर वर्गको लागि खडा हुने कुरा सुनिश्चित गर्नु रहेको उनले बताए । स्यान्डर्सको निर्णयले ८१ वर्षको उमेरमा उनले फेरि कहिल्यै पनि राष्ट्रपति हुन नचाहने संकेत गरेको छ ।
ब्रुकलिनको लवज भएका र सेतै फूलेका स्याण्डर्स सन् २०१६ को राष्ट्रपति चुनावमा एक अग्रणी प्रगतिशील आवाजको रूपमा उभिएका लोकतान्त्रिक समाजवादी हुन् । उनी सन् २०२० मा राष्ट्रपति पदको उम्मेदवारी सुरक्षित गर्ने योजना रहेपनि सफल हुन सकेनन् ।
स्यान्डर्सले नयाँ श्रम संघहरू गठन गर्न मद्दत गर्नुको साथै स्वास्थ्य, शिक्षा, श्रम र पेन्सन सम्बन्धी सिनेट समितिको अध्यक्षको रूपमा प्रगतिशील नीतिहरूको लागि लड्न भने जारी राख्ने बताएका छन् ।