पावरबल ज्याकटपट मोटाएर ६५० मिलियन डलर, इतिहासमै नवौं ठूलो, सोमबार खोलिने
प्रकाशित मिति : असार २४, २०८० आईतबार
सोमबार खोलिने पावरबल ज्याकपट अब ६५० मिलियन डलर पुगेको छ, जुन अहिलेसम्मकै सबैभन्दा नवौं ठूलो पावरबल ज्याकपट हो । कुनै पनि टिकटसँग शनिबार रातिका छवटा विजयी नम्बरहरूसँग मेल नखाएपछि सोमबार रातीको लागि तय गरिएको पावरबल ६५० मिलियन पुगेको हो ।
यो सन् २०२३ को दोस्रो ठूलो पावरबल ज्याकपट हो। वाशिंगटनकी एक महिलाले फेब्रुअरीमा ७५४ मिलियनको ज्याकपट जितेकी थिइन् । जसको नगद रकम लगभग ४०७ मिलियन थियो । यो इतिहासमा पाँचौं ठूलो पावरबल ज्याकपट थियो भने नोभेम्बर २०२२ देखि बढ्दै गएको थियो ।
हालको ६५० मिलियनको ज्याकपट अप्रिलको मध्यदेखि बढ्दै गएको हो । ओहायोमा बेचेको टिकटले २५२ मिलियनको ज्याकपट जितेदेखि कसैले पनि सबै छवटा नम्बर मिलाएका छैनन् । सोमबार खोलिने ज्याकपट ठूलो पावरबल पुरस्कारहरूको टपटेनको सुचीमा नवौं स्थानमा छ । १० औं ठूलो पावरबल सन् २०१३ को मे १८ मा खोलिएको ५९० दशमलव ५ मिलियनको थियो ।
पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ । पावरबल लोटरी सोमबार, बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ ।
यो टिकटको मूल्य २ डलर रहेको छ । खेल्ने व्यक्तिले १ देखि १ देखि ६९ सम्मका ५ वटा नम्बर र १ देखि २६ सम्मको एउटा नम्बर छनौट गर्नुपर्छ ।
त्यस्तै मंगलबार खोलिने मेगा मिलियन्स पनि ४८० मिलियन डलर पुगेको छ । शुक्रबार रातिका सबै ६ नम्बरहरू कसैले पनि मिलाउन नसकेपछि अब यो ज्याकपट मंगलबार खोलिने भएको हो । मेगा मिलियन चिठ्ठा अमेरिकाका ४४ वटा राज्यहरुमा खेल्न सकिन्छ । साथै वासिंटन डिसी र युएस भर्जिन आइल्याण्डमा पनि खेल्न सकिन्छ ।
मेगा मिलियन हरेक मंगलबार र शुक्रबार न्युयोर्क समय अनुशार राती ११ बजे खोलिन्छ । यो टिकटको मूल्य २ डलर रहेको छ । खेल्ने व्यक्तिले १ देखि ७० भित्रका ५ वटा नम्बर र १ देखि २५ भित्रको एउटा नम्बर छनौट गर्नुपर्छ ।