न्युयोर्कमा ड्राइभरहरुलाई ३२८ मिलियन डलर तिर्न उबर र लिफ्ट सहमत, रकम पाउन दावी फाइल गर्नुपर्ने
प्रकाशित मिति : कार्तिक १६, २०८० बिहीबार
ड्राइभरहरूबाट पैसा होल्ड गरेकोमा उबर र लिफ्ट बिहिबार ३२८ मिलियन डलर तिर्न सहमत भएका छन् । न्युयोर्कका एटोर्नी जनरल लेटिया जेम्सको कार्यालयले अहिलेसम्मले सुरक्षित गरेको सबैभन्दा ठूलो ज्याला सम्बन्धि सम्झौतामा उबरले २९० मिलियन र लिफ्टले ३८ मिलियन डलर तिर्न सहमत भएका हुन् ।
उक्त रकम पैसा ठगिएका चालकहरूलाई वितरण गरिनेछ । जसले अनिवार्य भुक्तानी बिरामी बिदा र अन्य सुविधाहरू सहित फिर्ता रकम पाउनेछन्। योग्य ड्राइभरहरूले रकम प्राप्त गर्न दावी फाइल गर्न सक्छन्।
यो सम्झौताले राज्यको ब्ल्याक कार कोष मार्फत ड्राइभरहरूले पहिले नै उपभोग गरेका फाइदाहरू र सुरक्षाहरूमा निर्माण गर्ने लिफ्टले एक विज्ञप्तिमा बताएको छ । कम्पनीका प्रमुख नीति अधिकारी जेरेमी बर्डले यो सम्झौता चालकहरूको लागि जित भएको बताएका छन् ।
न्यूयोर्कका ड्राइभरहरूलाई स्वतन्त्रता र क्यालिफोर्निया तथा वाशिंगटन जस्ता अन्य राज्यहरूमा उपलब्ध सुविधाहरूको पूर्ण दायरा प्रदान गर्न काम जारी राख्न तत्पर रहेको बर्डले एक विज्ञप्तिमा बताएका छन् । यो सम्झौताले उबर चालकहरुलाई आफ्नो काममा लचिलोपन छनौट गर्न अनुमति दिने लक्ष्यको नजिक ल्याउने कम्पनीले एक विज्ञप्तिमा बताएको छ ।
सन् २०१४ देखि २०१७ सम्म उबरले चालकहरूको भुक्तानीबाट बिक्री कर र ब्ल्याक कार फण्ड शुल्कहरू कटौती गरेको थियो जब ती करहरू र शुल्कहरू यात्रुहरूले तिर्नु पर्ने थियो । उबरले आफ्नो सेवाका सर्तहरूमा चालकहरूको तलबमा गरिएको कटौतीलाई गलत रूपमा प्रस्तुत गरेको तथा चालकहरूलाई उबरले चालकको भाडाबाट मात्र आफ्नो कमीशन कटौती गर्ने बताएको एटोर्नी जनरलको कार्यालयले बताएको छ ।
लिफ्टले पनि सन् २०१४ देखि २०१७ सम्म ड्राइभरहरू सर्ट गर्नको लागि समान विधि प्रयोग गरेको थियो । न्यूयोर्कमा चालकहरूको भुक्तानीबाट बिक्री कर र ब्ल्याक कार फण्डको रकम बराबर ११ दशमलव ४ प्रतिशत रकम प्रशासनिक शुल्क लिएको थियो ।
उबर र लिफ्टले न्यु योर्क शहर र न्यूयोर्क राज्य कानून अन्तर्गत चालकहरुलाई सशुल्क बिरामी बिदा उपलब्ध गराउन पनि असफल भएका थिए । वर्षौंदेखि उबर र लिफ्टले चुनौतीपूर्ण अवस्थामा लामो समय काम गर्दा तिनीहरूका चालकहरूलाई सयौं मिलियन डलर तलब र फाइदाहरूबाट प्रणालीगत रूपमा धोका दिएको एटोर्नी जनरल लेटिया जेम्सको विज्ञप्तीमा उल्लेख छ ।
यी ड्राइभरहरू अत्यधिक रूपमा आप्रवासी समुदायबाट आएका तथा आफ्नो परिवारको पालनपोषण गर्न यी कामहरूमा भर पर्ने एवं यो बन्दोबस्तले उनीहरूले अन्ततः आफूले सही रूपमा कमाएको र कानूनको अधीनमा रहेको कुरा सुनिश्चित गर्ने एटोर्नी जनरल लेटिया जेम्सको कार्यालयले जनाएको छ ।
पूर्व ड्राइभरहरूलाई कुल ३२८ मिलियन डलर फिर्ता गर्नुको अतिरिक्त उबर र लिफ्ट कमाई फ्लोरमा पनि सहमत भएका छन् , जसले राज्य भरका चालकहरूलाई न्यूनतम दर तिर्ने ग्यारेन्टी गर्छ । न्यूयोर्क शहर बाहिरका ड्राइभरहरूले प्रति घण्टा न्यूनतम २६ डलर प्राप्त गर्नेछन्। न्यूयोर्क शहरमा सञ्चालित ड्राइभरहरूले २०१९ मा ट्याक्सी र लिमोसिन आयोगद्वारा स्थापित नियमहरू अन्तर्गत न्यूनतम तलब पाउँछन्।
उबर र लिफ्ट ड्राइभरहरूले अब बिरामी बिदाको रकम पनि प्राप्त गर्नेछन्। ड्राइभरहरूले प्रत्येक ३० घण्टा काम गरेबापत एक घण्टा बिरामी बिदाको तलब कमाउनेछन्, प्रति वर्ष अधिकतम ५६ घण्टा सम्म उनीहरुले बिरामी विदाको रकम पनि पाउनेछन् ।