यी हुन् हमासको अपहरणबाट मुक्त ४ वर्षीय अमेरिकी अबिगेल मोर इडान, जसका अगाडि बाबुआमा मारियो
प्रकाशित मिति : मंसिर ११, २०८० सोमबार
अबिगेल मोर इडान हमासद्वारा कब्जा सबैभन्दा कम उमेरकी अमेरिकी नागरिक थिइन्, जो आइतवार इजरायलमा फिर्ता रिहा गरिएका बन्धकहरूको समूहमा रहेको अमेरिकी राष्ट्रपति जो बाइडेन र इजरायली सेना दुबैले यसको पुष्टि गरेका छन् ।
इजरायलमा हमासले अक्टोबर ७ मा गरेको आक्रमणमा उनका बाबुआमा मारिएका थिए भने अबिगेल गत हप्ता गाजामा हामासकै बन्दी हुँदा ४ वर्षकी भएकी थिइन् । इजरायली अधिकारीहरूका अनुसार उनलाई अपहरण गरी प्यालेस्टिनी भूभागमा लगिएको थियो । अरु झण्डै २ सय ४० जनासँग उनलाई अपहरण गरिएको हो ।
उनको नाम हमासले आइतवार रिहा गर्ने योजना बनाएको बन्धकहरूको सूचीमा देखा परेको कतारी प्रधानमन्त्री र विदेशमन्त्री शेख मोहम्मद बिन अब्दुलरहमान अल थानीले फेस द नेसन कार्यक्रममा बताएका थिए । यद्यपि धेरै स्रोतहरूले अवस्थाको नाजुक प्रकृतिका कारण कुनै रिहाई निश्चित नभएको बताएका थिए ।
गाजामा बन्दी बनाएका कम्तीमा ५० महिला र बालबालिकाको रिहाइका साथै इजरायलमा कैद गरिएका करिब १५० प्यालेस्टाइनी महिला र किशोरकिशोरीहरूको रिहाइ सम्बन्धि इजरायलसँगको सम्झौता अनुशार आइतबार उनीहरुलाई रिहा गरिएको हो । शर्तहरुमा अस्थायी युद्धविराम सम्झौता पनि समावेश थियो जसले मानवीय सहायतालाई गाजामा प्रवेश गर्न र विस्थापित प्यालेस्टिनीहरूलाई इलाकाको विनाश भएको उत्तरी भागमा उनीहरूको घरमा फर्कन अनुमति दिनेछ।
युद्धविराम चार दिनसम्म चल्ने सहमति भएको थियो । आइतवार तेस्रो दिन हो । यद्यपि इजरायलले हमासद्वारा रिहा गरिने प्रत्येक १० थप बन्धकहरूको लागि एक दिन युद्धविराम विस्तार गर्न इच्छुक रहेको बताएको छ।
अबिगेलसहित १७ जना बन्धकहरूलाई हमासले आइतबार रिहा गरेको थियो। तीमध्ये १४ जना इजरायली नागरिक र तीन विदेशी नागरिक रहेको इजरायली अधिकारीहरूले बताएका छन्। अबिगेल इजरायली अमेरिकी हुन् । उनीसँग इजरायल र अमेरिकाको नागरिकता छ।
ती तीन विदेशी नागरिकहरू कुन देशका हुन् भन्ने तुरुन्तै स्पष्ट छैन । तर ह्वाइट हाउसका राष्ट्रिय सुरक्षा सल्लाहकार जेक सुलिभानले आइतबार बिहान अमेरिकीहरूलाई आइतबार रिहा गर्नेमा विश्वास गर्ने कारण रहेको बताएका थिए । उनले आइतबार कम्तिमा एक अमेरिकी रिहा हुने बताएका थिए ।
राष्ट्रपति बाइडेनले आइतवार टेलिभिजन टिप्पणीहरूमा अबिगेलको रिहाइलाई प्रत्यक्ष रूपमा सम्बोधन गरेका थिए । उनी स्वतन्त्र भएको उनी अहिले इजरायलमा रहेको बाइडेनले बताएका थिए । अबिगेल भयानक आघातबाट गुज्रिएको र बच्चाकी आमालाई हमासका लडाकुहरूले उनकै अगाडि मारेको बाइडेनले बताए ।
अबिगेललाई आक्रमणबाट जोगाउन खोज्दा बाबुको पनि उनकै अगाडि हत्या गरिएको थियो । अबिगेल त्यसपछि सहयोगका लागि छिमेकीहरू भएतिर दौडेकी थिइन् । त्यही क्रममा हमासले उनलाई नियन्त्रणमा लिएका थिए ।