न्युयोर्क सिटीमा आज ३ इन्चसम्म बर्षाको सम्भावना, बाढीको चेतावनी
प्रकाशित मिति : फाल्गुन २३, २०८० बुधबार
न्युयोर्क सिटीमा बुधबार दिउसोदेखि ३ इन्चसम्म बर्षाको सम्भावना रहेको मौषमविदहरुले चेतावनी दिएका छन् । बाढीको निगरानी बुधबार दिउँसो १ बजेदेखि लागू हुनेछ भने बिहीबार बिहान ६ बजेसम्म कायम रहनेछ । सिटीका अधिकारीहरूले दिउँसो भारी वर्षाको अपेक्षा गरेका छन् ।
बुधबार दिउँसो सुरु हुने गरी ३ इन्चसम्म भारी वर्षा हुने अनुमान गरिएपछि राष्ट्रिय मौसम सेवाका मौसमविद्हरूले बाढीको चेतावनी जारी गर्न आग्रह गरेका हुन् । सिटीका आपतकालीन व्यवस्थापन अधिकारीहरूले पनि एक ट्राभल एड्भाइजरी जारी गरेका छन् जसले बाढीको चेतावनी दिएको छ ।
आफूहरुको प्राथमिक चिन्ता दिउँसो र साँझ भएको तथा धेरै घण्टा मध्यम देखि भारी वर्षाको सम्भावना रहेको सिटीको आपतकालीन व्यवस्थापन आयुक्तले एक विज्ञप्तिमा बताएका छन् । सिटीमा आज शतप्रतिशत वर्षाको सम्भावना रहेको छ भने दिउँसो ३ बजेको बीचमा ठूलो वर्षाको पूर्वानुमानको गरिएको छ । मध्यरातसम्म बर्षाको सम्भावना रहेको छ ।
एक घण्टामा करिब एक इन्च पानी पर्न सक्ने अधिकारीहरुले बताएका छन् । भिजेको मौसम बिहीबारसम्म जारी रहन सक्छ, जसले दिनभरको बादलबाट वर्षाको ५० प्रतिशत सम्भावना बोकेको राष्ट्रिय मौसम सेवाको पूर्वानुमानमा देखिएको छ ।
न्यु योर्कवासीहरूले शुक्रबार वर्षाबाट राहत पाउनेछन्, तर सम्भवतः सप्ताहन्तको लागि भने होइन । शनिबार र आइतवार क्रमशः ९० प्रतिशत र ६० प्रतिशत वर्षाको सम्भावना रहेको छ । बाढीको चेतावनी दिइएकाले खासगी बेसमेन्टमा बस्नेहरु र यात्रा गर्नेहरुले विशेष सावधानी अपनाउनुपर्छ ।
बाढीका कारण झण्डै साढे २ बर्ष अगाडि न्युयोर्कको उडसाइडमा बेसमेन्टमा बस्दै आएका १९ महिनाका बालकसहित तीनजना नेपालीहरु २० बर्षकी बर्षकी मिङमा शेर्पा, ४९ बर्षका आङ गेलु लामा र १९ महिनाका बालक लोप्साङ लामाको मृत्यु भएको थियो । उनीहरुको बेसमेन्ट अपार्टमेन्टमा बाढी पसेको थियो ।
