न्युयोर्क राज्य सांसदमा नेपाली अमेरिकन सांसद सराहना श्रेष्ठ दोश्रो कार्यकालका लागि निर्वाचित
प्रकाशित मिति : कार्तिक २१, २०८१ बुधबार
न्युयोर्क राज्य सांसदमा नेपाली अमेरिकन सांसद सराहना श्रेष्ठ दोश्रो कार्यकालका लागि निर्वाचित भएकी छिन् । न्युयोर्क स्टेट एसेम्बलीको डिष्ट्रिक्ट १०३ बाट उमेदवार बनेकी श्रेष्ठ दोश्रो कार्यकालका लागि निर्वाचित भएकी हुन् ।
छोटो समयमा राजनीतिक सफलता हात पारेकी सराहना न्युयोर्क राज्य संसदमा प्रतिनिधित्व गर्ने पहिलो नेपाली अमेरिकन र अमेरिकाकै राज्य संसदमा पहिलो नेपाली अमेरिकन महिला हुन् । यसअगाढि उनी २०२२ को चुनावमा २ बर्षका लागि निवार्चित भएकी थिइन् । उनको पहिलो कार्यकाल सन् २०२५ को जनवरी १ मा सकिदै थियो । मंगलबारको चुनावमा निर्वाचित भएसँगै अब उनको कार्यकाल सन् २०२७ को जनवरी १ सम्म थप भएको छ ।
२०२२ मा ३६ हजार ६ सय ५ मत ल्याएर निर्वाचित भएकी उनले यसपटक ६५ प्रतिशत मतगणना हुँदा ३२ हजार ७ सय ९८ मत ल्याएर विजयी भएकी छिन् । अर्थात् उनले कुल गणना भएको ६४ प्रतिशत मत प्राप्त गरेकी छिन् ।
It’s been a brutal year, but tonight we celebrated the power of coming together, of finding community in organizing, and the work ahead to build a true democracy.
Organize with us at @mhvdsa https://t.co/rFuyt671kA pic.twitter.com/JUFc8rUwJu
— Sarahana Shrestha (@sarahana) November 6, 2024
२०२२ मा श्रेष्ठले २३ बर्षदेखि लगातार र सन् १९९३ मा एक कार्यकाल गरी १३ कार्यकाल न्युयोर्क संसदको तल्लो सदनमा प्रतिनिधित्व गर्दै आएका डेमोक्रेटिक उम्मेदबार केभिन काहिललाई प्राइमरीमा पराजित गरेका कारण विशेष चर्चामा आएकी थिइन् ।
४० बर्षभन्दा लामोसमयदेखि राजनीतिमा सकृय रहदै आएका काहिललाई २०१९ मा अमेरिकी नागरिकता लिएकी सराहना श्रेष्ठले ७ हजार ९ सय ७ मत ल्याएर ग्याबी म्यानडलाई झन् धेरै ९ हजार २ सय १९ मत ल्याएर पराजित गरेकी थिइन् । सन् २००१ मा अध्ययनका लागि न्युयोर्क आएकी श्रेष्ठले सन् २०१९ मा मात्र अमेरिकन नागरिकता प्राप्त गरेकी थिइन् ।
जलवायु संकट र आर्थिक तथा सामाजिक न्यायका विषयमा आवाज उठाउदै आएकी उनले न्युयोर्क अल्स्टर र डचेज काउन्टीको प्रतिनिधित्व गर्छिन् । उनको उम्मेदबारीको चर्चित अमेरिकन सांसद अलेक्जान्ड्रिया ओकासिओ कोर्टेजले पनि समर्थन गरेकी थिइन् ।
पछिल्लो समयमा अमेरिकन मुलधारको राजनीतिमा नेपाली अमेरिकनहरुको सहभागिता बढ्दै गएको छ । अहिलेसम्म जननिर्वाचित सबैभन्दा उच्च पदमा पुग्न सफल पहिलो नेपाली अमेरिकन मेरिल्याण्ड राज्यका सांसद ह्यारी भण्डारी हुन् ।
