मार्च ३१ देखि अमेरिकामा सोसल सेक्युरिटीमा नयाँ नियम, भेरिफिकेशनका लागि कार्यालय जानुपर्ने
प्रकाशित मिति : चैत्र ९, २०८१ शनिबार
अमेरिकामा सोसल सेक्युरिटी प्रशासनले बलियो पहिचान प्रमाणिकरण प्रक्रियाहरू लागू गर्ने तयारी गरिरहेको छ । जस अन्तरगत व्यक्तिले फोन मार्फत आफ्ना अनुरोधहरू गर्नुकासट्टा एजेन्सी क्षेत्रीय कार्यालयहरूमा व्यक्तिगत रूपमा जानुपर्नेछ।
यस हप्ता घोषणा गरिएको यो अद्यावधिक नीति महिनाको अन्त्यबाट लागू हुनेछ। नयाँ नियमले अनलाइन सोसल सेक्युरिटी एकाउन्टमा पहुँच नभएकाहरुलाई प्रभाव पार्नेछ, जसको लागि अनलाइन पहिचान प्रमाणीकरण आवश्यक पर्दछ। यी सोसल सेक्युरिटी सुविधा प्राप्तकर्ताहरू र आवेदकहरूले आफ्नो पहिचानको प्रमाणको साथ व्यक्तिगत रूपमा सोसल सेक्युरिटी कार्यालयमा जानुपर्नेछ।
अमेरिकामा सोसल सेक्युरिटी प्रशासन मार्फत सेवानिवृत्त र बालबालिका सहित ७५ मिलियनभन्दा बढी मानिसहरूले अवकाश र अशक्तता लाभहरू प्राप्त गर्छन्। जालसाजीपूर्ण तरिकाले हुने दाबीहरूलाई सीमित गर्ने प्रयासमा सोसल सेक्युरिटी प्रशासनले पहिचान प्रमाणीकरणका कडा उपायहरू लागू गर्ने भएको हो ।
यसको अर्थ मार्च ३१ देखि मानिसहरूले अब फोन मार्फत सोसल सेक्युरिटी प्रशासन समक्ष आफ्नो पहिचान प्रमाणित गर्न सक्ने छैनन् । एजेन्सीको अनलाइन सेवा मार्फत आफ्नो पहिचान ठीकसँग प्रमाणित गर्न नसक्नेहरूले प्रमाणीकरण प्रक्रिया पूरा गर्न व्यक्तिगत रूपमा एजेन्सी क्षेत्र कार्यालयमा जानुपर्ने सोसल सेक्युरिटी प्रशासनले जनाएको छ ।
यो परिवर्तन नयाँ सोसल सेक्युरिटी आवेदकहरू र आफ्नो डाइरेक्ट डिपोजिट जानकारी परिवर्तन गर्न चाहने अवस्थित प्राप्तकर्ताहरूमा लागू हुनेछ। पहिचान प्रमाणीकरण परिवर्तनको अतिरिक्त एजेन्सीले प्राप्तकर्ताहरूको डाइरेक्ट डिपोजिट परिवर्तन अनुरोधहरू प्रशोधन द्रुत गतिमा गर्न योजना बनाएको घोषणा गरेको छ । पहिले अनलाइन डाइरेक्ट डिपोजिट परिवर्तनहरू ३० दिन होल्ड गरिदै आएको थियो ।