न्युजर्सी गभर्नरले मनाए एशियन अमेरिकन र प्यासिफिक आईल्याण्डर हेरिटेज महिना उत्सव
प्रकाशित मिति : बैशाख २६, २०७५ बुधबार
अमेरिकाको न्युजर्सी राज्यका गभर्नर फिल मर्फी र फस्र्ट लेडी ट्यामी मर्फीद्वारा एशियन अमेरिकन र प्यासिफिक आईल्याण्डर हेरिटेज महिना उत्सब गभर्नर निवासमा सम्पन्न भएको छ । न्युजर्सी राज्यका झण्डै ३० जना एशियन अमेरिकन अगुवाहरुलाई निम्ताएर मनाईएको उक्त समारोहमा जर्सी सिटी शहरबाट काउन्सिल प्रेडिडेण्ट रोलाण्डो लाभारो र जर्सी सिटी शहरका मेयरकी सल्लाहकार डा. बिष्णुमाया परियार सहभागी रहेका थिए ।
मे ८ तारिख बेलुकी आयोजित समारोहमा गभर्नर मर्फी र फस्र्ट लेडी ट्यामी मर्फीले एशियन अमेरिकन समारोहलाई सम्बोधन गर्दै कम्युनिटी भेलालाई राज्यको समावेशीकरणको उदाहरणीय नमूना भएको उल्लेख गरे ।
यस अघि गभर्नर मर्फीले गत मार्च १३ मा प्रस्तुत गरेको अमेरिकी डलर ३७.४ बिलियन डलर बजेटबाट स्थानीय कम्युनिटीको आवश्यकता अनुसार कसरी सेवा गर्न सकिन्छ भनेर अप्रिल ९ तारिख कम्यूनिटी कोलिएसनका सामाजिक अगुवाहरुसँग विशेष बैठक डाकेर छलफल गरेका थिए ।
