न्युयोर्कमा १४ बर्षका नेपाली बालक बेपत्ता
प्रकाशित मिति : बैशाख ३१, २०७५ सोमबार
न्युयोर्कमा १४ बर्षका एक नेपाली बालक बेपत्ता भएको भन्दै न्युयोर्क प्रहरी विभागले सुचना जारी गरेको छ । १४ बर्षका सोनाम शेर्पा न्युयोर्कको क्वीन्समा रहेको आफ्नै निवासबाट बेपत्ता भएका हुन् ।
बेपत्ता बालकको खोजी कार्य जारी रहेको छ । शुक्रबार साढे ७ बजेसम्म घरमै रहेका ती बालकको अवस्था हालसम्म अज्ञात रहेको छ । सेता जुत्ता, सेतो टिसर्ट र खाकी पाइन्ट लगायतका बालकलाई कसैले देखेमा खबर गरिदिन प्रहरीले अनुरोध गरेको छ ।
नेपालको सिन्धुपाल्चोकका ती बालक क्वीन्समा बुबाआमासँग बस्दै आएका थिए । उनले ट्रेनमा छाडेको फोन भने बेलुका ७ बजे भेटिएको उनका आफन्तले जानकारी दिएका छन् । प्रहरीले घटनबारे थप अनुसन्धान गरिरहेको छ ।
