पूर्व प्रधानमन्त्री माधवकुमार नेपाल न्युयोर्क आउने, आगामी आइतबार अन्तरकृया
प्रकाशित मिति : भाद्र ११, २०७५ सोमबार
पूर्व प्रधानमन्त्री एवं नेकपाका बरिष्ठ नेता माधवकुमार नेपाल न्युयोर्क आउनुहुने भएको छ । आगामी आइतबार न्युयोर्कमा नेपालसँग अन्तरकृया कार्यक्रम आयोजना गरिएको छ ।
दिउसो ४ बजे न्युयोर्कको ज्याक्सनहाइटमा रहेको शेर्पा किदुगको हलमा हुने अन्तरकृया कार्यक्रम प्रवासी नेपाली मञ्चले आयोजना गर्न लागेको हो । नेपालको समसामयिक राजनीतिबारे गरिने अन्तरकृया कार्यक्रममा उपस्थीतिका लागि प्रवासी नेपाली मञ्चका महासचिव राधाकृष्ण देउजाले सबैलाई अनुरोध गर्नुभएको छ ।
तीनदिने अमेरिकाभ्रमणमा आउन लाग्नुभएका पूर्वप्रधानमन्त्री नेपालले न्युयोर्क आउनुअगाडि शिकागोमा हुने एन्मा, नासा र एनएनएको संयुक्त सम्मेलनमा भाग लिनुहुनेछ । त्यसलगत्तै उहाँ न्युयोर्क आउनुहुने कार्यक्रम रहेको छ । अगस्त ३१ देखि शिकागोमा हुने नेपाली नेशनल कन्भेन्सनमा उहाँले प्रमुख अतिथिका रुपमा सहभागी हुने कार्यक्रम रहेको छ ।
