न्युयोर्क सिटीबाटमात्र एकबर्षमा २५९३ कागजत्रविहिन देशनिकाला, ३४७६ पक्राउ
प्रकाशित मिति : पुस २, २०७५ सोमबार
अमेरिकी इमिग्रेशन एण्ड कस्टम इन्फोर्समेन्ट आइसको कारवाहीमा एकबर्षमा न्युयोर्क सिटीबाटमात्र ३४७६ कागजपत्रबिहिनहरुलाई पक्राउ गरिएको आइसले जनाएको छ । उनीहरु आर्थिकबर्ष २०१८ भरमा न्युयोर्कसिटी क्षेत्राधिकारबाट पक्राउ परेकाहरु हुन् ।
Consistent with @POTUS‘s Executive Orders issued in early 2017, ICE ERO has continued to use resources as effectively and efficiently as possible to enforce the nation’s immigration laws. Read the full ERO FY 2018 report: https://t.co/q2ttCofp7A pic.twitter.com/qNLPZdzRpl
— ICE (@ICEgov) December 17, 2018
अमेरिकाभरबाट भने आइसले सन् २०१८ मा १ लाख ५८ हजार ५८१ जना कागजपत्रविहिन आप्रवासीहरुलाई पक्राउ गरेको छ । आर्थिक बर्ष २०१८ मा देशनिकाला हुनेहरु २ लाख ५६ हजार ८५ जना रहेका छन् । जुन २०१७ मा पक्राउ परेर हिराशतमा राखिएकाहरु समेत हुन् । २०१८ मा देशनिकाला हुने २ लाख ५६ हजार ८५ जना मा ४५ जना नेपालीहरु रहेका छन् ।
सबैभन्दा धेरै भने सान आन्टोनियो क्षेत्रबाट देशनिकालामा पर्नेहरु रहेका छन् । त्यसक्षेत्रबाट ६२ हजार ३ सय ६३ जना देशनिकालामा परेका छन् । पक्राउ पर्नेहरुमा भने डलास क्षेत्रका धेरै छन् । डलासक्षेत्रबाट सन् २०१८ मा १७ हजार ६ सय ४४ जना आप्रवासीहरुलाई पक्राउ गरिएको आइसको तथ्यांक रहेको छ ।