भेनेजुएलामा सरकार विरोधी प्रदर्शन, नयाँ चुनावको माग
प्रकाशित मिति : माघ १९, २०७५ शनिबार
भेनेजुएलाका स्वघोषित अन्तरिम राष्ट्रपति हुआन गुआइडोका समर्थकहरुले देशब्यापी प्रदर्शन गरेका छन् । उनीहरुले राष्ट्रपति निकोलस मडुरोलाई पछाडि हट्न र नयाँ राष्ट्रपतीय चुनावको घोषणा गर्न माग गरेका छन् ।
गत महिना गुआइडोले आफैलाई स्वघोषित राष्ट्रपति घोषणा गरेका थिए । त्यसको अमेरिका र कैयन ल्याटिन अमेरिकी देशहरुले तत्काल समर्थन गरेका थिए । रुस र चीन भने मडुरोको पक्षमा रहेका छन् ।
चीन, रसिया, इरान र सिरियाको लाइनमा नेपाल उभिदा अमेरिकासँगको सम्बन्धमा चिसोपन आउला ?
मुख्य युरोपियन देशहरुले नयाँ मतदानको घोषणा गर्न आइतवारसम्म समय सिमा दिएका छन् । यदि आइतवारसम्म पनि नयाँ मतदानको घोषणा नभए उनीहरुले विपक्षी नेता गुआइडोलाई समर्थन गर्ने संकेत दिएका छन् ।
भेनेजुएलाको संकटले नेपालको राजनीतिसम्मलाई छोएको छ । भेनेजुएलाको सन्दर्भमा नेपाल अमेरिकाको विपक्षमा उभिएका कारण दुईदेशबीचको सम्बन्धलाई लिएर विभिन्न तर्क र अड्कलबाजीहरु भइरहेका छन् ।
