श्रीलंकाका चर्च र होटलमा भएको बम हमलामा मृत्यु हुनेको संख्या २ सय ९०
प्रकाशित मिति : बैशाख ८, २०७६ आईतबार
श्रीलंकाका चर्च र होटलमा भएको आत्मघाती हमलामा मृत्यु हुनेको संख्या २ सय ९० पुगेको छ । आक्रमणमा ५ सय भन्दा बढी घाइते भएका छन् । घ
घटनामा संलग्न भएको आशंकामा २४ जनालाई पक्राउ गरिएको छ ।
विहान झण्डै पौने नौ बजे कोलम्बो, नेगोम्बो र बाटिकालोआमा तीनवटा चर्चमा बिष्फोट गराइएको थियो । आक्रमणकारीले तीनवटा होटल र बैंकट हलमा पनि बम हमला गरेका थिए । आठौं बिष्फोट सिटीमा रहेको फ्लाइओभर मुनीको घरमा भएको थियो ।
विहान पौने ९ बजेदेखि साढे ९ बजेसम्म आत्मघाती हमलाकारीहरुले आक्रमण गरेका थिए । बौद्धधर्मालम्बीहरुको बाहुल्य रहेको श्रीलंकामा हिन्दु, मुस्लिम र क्रिस्चियन समेत रहदै आएका छन् ।