एटलान्टा विमानस्थलमा अपहरणकारीले आमाकै हातबाट बच्चा खोस्न खोजेपछि (भिडियो)
प्रकाशित मिति : असार १२, २०७६ बिहीबार
एटलान्टा एयरपोर्टमा दुईजना बालबालिकालाई अपहरण गर्न खोज्ने एकजना महिलालाई प्रहरीले नियन्त्रणमा लिएको छ । हार्टसफिल्ड ज्याक्सन एटलान्टा इन्टरनेशनल एयरपोर्टबाट परिवारका साथमा डिज्नी वर्ल्र्ड जाँदै गरेका ती बालबालिकाहरुलाई अपहरणको प्रयास भएको थियो ।
ती महिलाले उनकी आमाबाट ती बालबालिकाहरुलाई तानिरहेको दृश्य भिडियोमा कैद गरिएको छ । जर्जियाको लिथिया स्प्रींगमा बस्ने उक्त परिवार विहान ५ बजे उक्त विमानस्थलहुँदै यात्रा गरिरहेको थियो । घटना जुन २४ को हो ।
अपहरणको प्रयास गर्ने महिलाले बच्चा बोकेको स्ट्रोलर खोसेर भाग्ने प्रयास गरेकी थिइन् । उक्त स्ट्रोलरमा सबभन्दा कान्छी छोरी रहेकी थिइन् । अपहरणको प्रयास गर्ने महिला विचिटाकी इस्थर डानियल रहेको जनाइएको छ ।
स्ट्रोलर तानातानको अवस्था हुँदा ती महिलाले नजिकै उभिएको अर्को बच्चालाई बोकेर दौडिएकी थिइन् । तत्कालै प्रहरी अधिकारीहरुले उनलाई नियन्त्रणमा लिएका थिए । तीजना प्रहरी अधिकारीहरुले २६ बर्षीया डानियललाई भुईमा लडाएर नियन्त्रणमा लिएका थिए ।
अपहरणको प्रयास गर्ने महिलाको प्रारम्भिक सुनुवाई जुलाई ११ का लागि तोकिएको छ । अपहरणको प्रयासको क्रममा बालबालिकाहरु घाइते नभएको प्रहरीले जनाएको छ ।