लैंगिक तथा यौनिक अल्पसंख्याक गौरवपूर्ण परेडमा न्युयोर्कमा दशौं हजारौं सडकमा
प्रकाशित मिति : असार १५, २०७६ आईतबार
समलिंगी गौरवता मनाउन न्युयोर्कमा दशौं हजार परेडमा सहभागी भएका छन् । इन्द्रेणी झण्डाका साथ न्युयोर्कको डाउनटाउन म्यानहटनमा गौरवपूर्ण परेड प्रदर्शन गरिएको हो ।
अमेरिकामा पहिलोपटक मनाइएको वर्ल्ड प्राइड उत्सवमा अमेरिकाका र विश्वका विभिन्न देशका हजारौं सहभागी भएका थिए । जुन महिनालाई लैंगिक तथा यौनिक अल्पसंख्यकको गौरवको महिनाका रुपमा विश्वभर मनाइन्छ । जुन महिनाको अन्तिम दिन न्युयोर्कमा प्रदर्शन गरिएको हो ।
परेडमा लैंगिक तथा यौनिक अल्पसंख्यक तथा पक्षधरहरुको उपस्थीति रहेको थियो । अमेरिकाबाहिरका १ सय ५० भन्दा धेरै समुहहरुले परेडमा सहभागिता जनाएका थिए ।
अर्को विश्वब्यापी परेड सन् २०२१ मा कोपनहेगनमा आयोजना गरिनेछ ।