न्युयोर्क आसपासका काभ्रेली संगठीत हुँदै, पं उद्धब शास्त्रीको संयोजकत्वमा तदर्थ समिति
प्रकाशित मिति : श्रावण १४, २०७६ मंगलबार
नेपालको काभ्रे जिल्लाबाट न्युयोर्क र आसपासमा बसोबास गर्नेहरु संगठीत भएका छन् । आपसी जान पहिचान, दुख सुख तथा चाडपर्बहरूमा भेटघाट गर्दै प्रवासमा समेत गाउँ ठाउँमा बसे जस्तै समाज निर्माणमा जुटेको उनीहरुको भनाई छ ।
ज्याक्सन हाइटमा भएको भेलाले पं उद्धब शास्त्रीको संयोजकत्वमा नारायण प्रसाद तिमल्सिना, उद्धब प्रसाद हुमगाई , जनक भण्डारी तथा मोहन विष्ट सदस्य रहेको एक तदर्थ समिति गठन गरेको छ । फेसबुक म्यासेन्जरबाट जोडिएका करिब ५४ परिवारको समूहलाई प्रत्यक्ष भेटघाटको लागि मिति तय गरिएकोमा ११ जनाको उपस्थिती रहेको थियो ।
भेलामा नारायण तिमल्सिना, पं उद्धवराज शास्त्री, सूर्य देउजा, उद्धव प्रसाद हुमागाई, जनक भण्डारी, महेश मल्ल, जगदीश राउत, मोहन विष्ट, अर्जुन मैनाली, राधाकृष्ण देउजा र रोनीश विष्ट सहभागी रहेका थिए ।
न्युयोर्क, न्युजर्सी तथा कनेक्टिकट आसपास बसोबास गर्ने सबै काभ्रेलीहरुलाई सहभागी गराएर आगामी अगस्त २४ मा न्युयोर्कको कोरोना पार्कमा बनभोज को आयोजना गरी भावी कार्ययोजना तथा संगठनको प्रारूप निर्धारण गर्ने योजना भेलाले गरेको छ । साथै बनभोजमा सहभागी हुन काभ्रेली दाज़ुभाई तथा दीदीबहिनीहरूलाई अनुरोध समेत गरिएको छ ।