जनसम्पर्क समितिले न्यूयोर्कमा रक्तदान कार्यक्रम गर्यो
प्रकाशित मिति : भाद्र १५, २०७६ आईतबार
जनसम्पर्क समिति न्यूयोर्क च्याप्टरले आइतवार न्यूयोर्कमा आयोजना गरेको १२ औं पटकको रक्तदान कार्यक्रममा ५४ जनाले रगत दान गरेका छन् । सामाजिक उत्तरदायित्व निर्वाह गर्नका लागि हामीले बषौं देखी यसरी रक्तदान कार्यक्रम गर्दै आएका छौं, जनसम्पर्क समिति न्यूयोर्क च्याप्टर सभापति रोशन ढुङगानाले भने, रक्तदाताहरु प्रति हामी आभारी छौं, कार्यक्रम सम्पन्न गर्नका लागि सहयोग गर्ने सम्पूर्णमा हार्दीक धन्यवाद दिन चाहन्छौ ।
कार्यक्रम संयोजक अनिल राज पाण्डेले समेत रक्तदान जीवनदान भएकाले रक्तदाता सम्पूर्णलाई धन्यवाद ज्ञापन गरेका छन् । रक्तदाताहरुलाई प्रमाणपत्र प्रदान गरिएको थियो ।
